جاءت نهاية مسلسل “اللي مالوش كبير” صادمة لعدد من المتابعين الذين كانوا ينتظرون متابعة قصة حب “غزل” و”الخدويوي”، وفسر كاتب العمل عمرو محمود ياسين رؤيته في النهاية.
كتب عمرو محمود ياسين عبر حسابه بموقع Facebook: “الدم بيجيب دم والافترا والبلطجه عمرهم ما يحموا انسان او يضمنوا له حياه سعيده او مريحه اللي عايز يتوب يتوب. بس مش بعد خراب مالطه. عشان كده في شطر في التتر بيقول واللي يختار غلط سكوته يدمره .. بمعني ان اللي يختار غلط و يفضل ساكت ع غلطه. مع الوقت هيتدمر و ده اللي حصل مع الخديوي في الحلقتين اللي فاتوا راح منه اخوه وراح صديق عمره وراح الجنين اللي كان في بطن امه .. دي النتيجه الطبيعيه اما بقى اللي كان مستني قصة حب بين بلطجي كيوت و ست حلوه و متضايق وبيقولي احنا بنتفرج عشان نتبسط و زعلانين مني قوي فا احب اقلك ان ده مسلسل تراجيدي. و مش هخالف المنطق ولا ضميري عشان بعض الناس تتبسط انا مش بعمل نهايات ع الكيف يا جماعه انا بعمل النهايه اللي اشوفها منطقيه واللي عايز يتبسط و هيه و كده يروح دريم لاند مثلا 😏”.
جدير بالذكر بأن مسلسل “اللى مالوش كبير” تدور أحداثه في إطار اجتماعى أكشن ويتضمن نخبه من النجوم أبرزهم، النجمة ياسمين عبد العزيز ، أحمد العوضى ، خالد سرحان ، خالد الصاوى ، دينا فؤاد ، دنيا عبد العزيز ، فتوح أحمد ، عايدة رياض ، بدريه طلبة ، أحمد عبدالله محمود ، أحمد سعيد عبد الغنى، إيمان السيد ، محمود حافظ ، بسنت النبراوى ، هدى الإتربى ، أحمد الرافعى ، محمود ياسين ” جونيور” وآخرين وهو من إنتاج شركة سينرجى للمنتج تامر مرسى ومن سيناريو وحوار عمرو محمود ياسين وإخراج مصطفى فكرى.