قرر الإعلامي المصري تامر أمين، الاعتذار لأهالي الصعيد بعد تصريحاته التي أثارت حالة كبيرة من الجدل خلال الساعات الماضية، خلال برنامجه “آخر النهار”، وتحدث فيها عن الزيادة السكانية.
وقال تامر في فيديو تم تداوله على مواقع التواصل الاجتماعي:”حابب أبدا الفيديو وقبل أي كلام في التفاصيل باعتذار واضح وصريح لكل أهالينا في الصعيد ولكل مكان في مصر زعلانين مني، أنا لا هكابر أو أقاوح، أنا من الناس اللي بتعتذر لما تحس أن الناس زعلانه منها، وربنا يعلم أن نيتي كانت خير وكان الهدف المصلحة العامة”.
وتابع:”أكتر حاجة تضايقني في الدنيا أو واحد صعيدي أو واحدة صعيدية يزعلوا مني، أنا من أكتر الناس المؤمنين بالصعيد وعزة نفس الصعيد وكرامة الصعيد، وصعيد مصر هو أصل مصر واللي طلعلنا كل القامات والآدباء والمفكرين والناس الشريفة والمحترمة والله مقصدش الإهانة”.
وأضاف:”وبقول لكل صعيدي وصعيدية جزمتكم على راسي من فوق وأنا ابنكم وابن ريف مصر ونسايبي من الصعيد وبتشرف من النسب ده”.
واختتم حديثه قائلًا:”أرجوكم متزعلوش مني وأنا آسف والاعتذار هينشر في كل حته، وأنا أخوكم وأنتم أهل العفو والكرم”.