أزمة شيرين وحسام حبيب.. ما علاقة ياسمين عبدالعزيز؟
خرجت المطربة المصرية شيرين عبدالوهاب بمزاعم نارية كشفت جزءا من خفايا علاقتها بطليقها الفنان حسام حبيب، فما علاقة ياسمين عبدالعزيز؟.
قالت شيرين عبدالوهاب، في مداخلتها الهاتفية لبرنامج “كلمة أخيرة” مع الإعلامية لميس الحديدي على فضائية “أون” المصرية، إن بعض الفنانات وقفن بجوارها وساندنها بعد طلاقها من زوجها السابق حسام حبيب.
وأضافت: “مش هنسى الناس اللي سألت زي ياسمين عبد العزيز ومنة شلبي وكل الناس والجمهور، أنا آسفة إن أنا بتكلم في موضوعي، لأن الناس والبلد عندها مشاكل كبيرة أهم مننا، وأنا حاسة إن الموضوع بوّخ”.
وكشفت شيرين كواليس حديث ياسمين عبدالعزيز معها بعد انفصالها، وقالت: “ياسمين عبد العزيز وقفت معايا وقفة عمري ما هنساها، ربنا يحفظها ويخليها ويبعد عنها العين”.
وأضافت: “ياسمين ست بـ100 راجل وقالت لي لما قابلتني أنا مش صاحبتك أوي بس كنت نفسي أديكي حتة قلم بسبب اللي انتي بتعمليه في نفسك وأقولك فوقي”.
وخلال تصريحاتها النارية، هاجمت شيرين عبدالوهاب طليقها بضراوة، واعتذرت لجمهورها على “تصريحات كاذبة أدلت بها لتجميل صورة حسام حبيب والحفاظ على علاقتهما”.
وقالت: “بما إن الناس شاهدة من الأول، فأنا في البداية عايزة أتأسف وأستغفر ربنا على الكذب اللي كذبته علشان أجمل صورة إنسان، كذبت مع إن دي أكتر حاجة ربنا مبيحبهاش وأنا بالذات لا أحب الكذب”.
وسردت شيرين تفاصيل أزمتها مع حسام حبيب، قائلة: “أنا ست قاعدة مع بناتي بعد 4 سنين شايفين الويل.. قلنا نسافر الساحل الشمالي ونرجع نتبسط، بناتي وأنا نفسيتنا تعبانة ومكناش عايشين تقريباً، وكنت عايشة مع زوج مبيشتغلش تقريباً ومبيخرجش، كنت عايشة 24 ساعة في غرفة نومي، مبعملش حاجة، قاعدة وبس”.
وأضافت: “أنا أخطأت في حق نفسي، وعارفة، بس سعيت إن الست المشهورة تبقى إنسانة متجوزة وتحافظ على بيتها، كنت فاكرة كده، لكن ده مكانش بيت، دي كانت مصيدة فئران”، مشيرة إلى أنها تلقت إخطارًا بـ”سرقة سيارتها التي كتبتها باسم حسام حبيب” أثناء وجودها في الساحل الشمالي.
وأوضحت: “أنا كتبت العربية باسمه كحركة أصول علشان لما لجنة مرور توقفه ويطلع الرخص ميبانش إنه ماشي بعربية مراته، وهو قال لي هعمل لك توكيل بالبيع علشان يضمن لي حقي، الواد الحقاني اللي مبيقبلش على نفسه حاجة، وفي الآخر طلع كلام في الهوا وتمثيل”.
