ميرهان حسين تؤدي مناسك العمرة وتنتقد “أصحابها الملحدين”
شاركت الفنانة المصرية ميرهان حسين صورة لها، وهي تؤدي مناسك العمرة في مكة المكرمة.
وعلقت ميرهان على الصورة قائلة: “مع إن الصورة دي من أحب صوري لقلبي.. ترددت أنزلها.. أولًا خفت إن دا يأثر على ثواب حاجة بيني وبين رب العالمين، ثانيًا عارفة إن في ناس سطحية كتير هايكتبوا كومنتات كلها إيه يا طاهرة إيه يا ست الشيخة ويعملوا فيها إنهم ما بيغلطوش أبدا وجايين يحكموا على ناس زيهم أحكام هبلة وخلاص وهما ميعرفوش اللي بينك وبين ربنا ولا عمرهم هيعرفوه”.
وأضافت ميريهان حسين: “بس قولت لأ مش همشي ورا الفكر دا وهنزل صورتي اللي بحبها عشان فيها ذكرى وجودي في أطهر بقاع الأرض وأنا ضيفة في بيت الله الحرام وبحتفل فيها بنعمة من أكبر النعم هي نعمة إن ليا رب عظيم اسمه الكريم اللي ممكن أطلب منه أي شيء ومفيش حاجة كبيرة عليه إنما أمره إذا أراد شيئا أن يقول له كن فيكون.. نعمة وجود ربنا في حياتنا أكبر من كل النعم”.
وتابعت: “أنا حقيقي معرفش إزاي في ناس بتلحد وتنكر وجود ربنا والعياذ بالله وفي منهم أصحاب ليا وناس بقابلهم ومع حبي ليهم بس بقولهم فايتكو أعظم حاجة في الوجود أن يبقى ليك رب قادر على تحقيق كل اللي يتمناه قلبك ويسرح فيه خيالك رب أكبر من كل كبير هو الأمان في الدنيا دي وكل من عليها فان”.
يذكر أن آخر أعمال ميرهان حسين كانت مسلسل “نقل عام” بطولة محمود حميدة، وسوسن بدر، وسميحة أيوب، وأحمد بدير، ودينا، ومحمد محمود عبد العزيز، ومحسن محيي الدين، وإيمان أيوب، وعابد عناني، ونهلة سلامة، ونور خالد النبوى، وهاجر الشرنوبي، وأميرة أديب، ومن إخراج عادل أديب.
