عمر كمال يوجّه رسالة إلى منتقديه: “ممكن أبقى غلط وأدخل النار”

تعرّض مطرب المهرجانات المصري عمر كمال لانتقادات كبيرة خلال الفترة الماضية بسبب اللون الغنائي الذي يقدمه.

ولم يقف عمر كمال صامتا أمام هذه الانتقادات، إذ وجّه رسالة، الثلاثاء، عبر حسابه الرسمي على موقع التواصل الاجتماعي فيسبوك إلى منتقديه.

وكتب كمال في رسالته: “أنا طلعت لقيت جوايا حب لحاجة اسمها غنا.. سعيت ف السكة ديه وربنا سبب الأسباب والدنيا مشيت معايا ورزقنى من وسع بعد ضيقة وتعب.. ممكن أكون صح وبعمل خير وممكن أكون غلط وهخش النار.. ده موضوع هنعرفه ف الآخرة لما نقف قدام ربنا”.

وأضاف: “أنا لا أخدت رزقك.. ولا سرقتك.. ولا أذيتك.. ولا أنت كنت طالع منحة دراسية بلد أوروبية وأنا طلعت بدالك.. ولا أنا أخدت مكانك ف شغل أو مرتب أو ترقية ف أي حاجة.. أنا اخترت طريق ومشيت فيه وبس.. فالدنيا مش مستاهلة أنك تهيني وتشتمني.. ممكن تتابعني لو شايفني بقدم حاجة تبسطك وتغير المود بتاعك للأحسن”.

وتابع: “متابعنيش لو شايفني مش بقدّم أي حاجة مهمة ف الحياة.. بس متأذنيش بكلامك عشان أنا بني آدم زيك بحس وبزعل وليا أم وأهل.. إهانتك ليا بتزعلهم”.

وطرح عمر كمال مؤخرا أغنية بعنوان “بحبك”، أهداها الفنان أحمد العوضي إلى زوجته الممثلة ياسمين عبدالعزيز بمناسبة عيد ميلادها.