رنا سماحة تعليقا على إنفصالها عن زوجها : في داهية التريند
ردت الفنانة رنا سماحة على كل الأخبار المنتشرة حول انفصالها عن زوجها الملحن سامر أبو طالب.
كتبت رنا سماحة عبر حساباتها عبر مواقع التواصل الاجتماعي: “عذراً ايها ال trend ✋🏼
فلدي ما هو اغلى من كنوز العالم 👦🏻، اتعلمت في بيت اهلي، ان العلاقه بين الراجل والست امانه مينفعش تطلع بره البيت”.
وتابعت: خطيبتك مراتك طليقتك اياً كان، الامانه دي ولاد الاصول بس الي بيعرفوا يصونوها وميفشوش اسرارها.
واستكملت: ولاد الاصول بس الي مبيكذبوش ولا بيتدعوا على بعض بالباطل
ولاد الاصول مبيقذفوش المحصنات(( كبيره من الكبائر ))
ولاد الاصول بس الي مبيخونوش الامانه
ولاد الاصول بس مبيفجروش في الخصام
ولاد الاصول مش محتاجين يستعطفوا حد ولا محتاجين يتدعوا المثاليه بيسيبوا اخلاقهم تتكلم عنهم ومبيتكلموش هم عنها
ولاد الاصول مبيلقحوش على بعض مبيجيبوش سيرة بعض غير بالخير
ولاد الاصول بيعاشروا بالمعروف وبيفارقوا بالاحسان، ومبينسوش الفضل بينهم.
وأضافت: ده الي ربنا امرنا بيه ده الي اهالينا ربونا عليه ده الي الانسانيه بتقوله
اي حاجه غير كده تبقى عدم تربيه ..قلة دين .. انعدام اخلاق
انعدام الاخلاق ده مينفعش نزينه ونقول اوووووه ترند.
واستكلمت ربنا منشورها الطويل قائلة : “في داهيه الترند الي ينسينا اخلاقنا وتربيتنا واصولنا
الانسان بيعيش حياته وبيمشي رحله، مش هيفضل منها غير سيرتك واعمالك الطيبه وكلمتك الي بتتصدق بيها، سيبوا الخير وانتوا ماشيين عشان الناس تدعيلكم بدل ما يدعوا عليكم
اجعل من يراك يدعو لمن رباك.
واختتمت: بطلب من اي حد هيكلمني عشان يعرف اي تفاصيل تخص حياتي الخاصه يوفر على نفسه وميكلمنيش ميهمنيش السبق الصحفي ولا الشو الاعلامي ولا الاكثر بحثاً غير في شغلي فقط في الخير والفرحه وبس، عاهدت نفسي واهلي والناس الي بحبهم اني اكون خير قدوه
عاهدت ابني الي عيني لسه مشافتوش اني اربيه على الاصول والاحترام والرقي
عاهدته اني اربيه يبقى ((راجل))
ف متستنوش مني ما يفعله الاخرون
مش عايزه ابقى ترند✋🏼”.
يذكر أن الثنائي سامر أبو طالب ورنا سماحة حذفا صورهما سويا وألغا متابعتهما لبعضهما مؤخرا، وكان احتفلا بحفل زفافهما في شهر ديسمبر 2020، بأحد الفنادق الكبرى بالقاهرة، وحضر حفل الزفاف عدد كبير من نجوم الفن، وأحيا حفل الزفاف كل من الفنان تامر حسني، ومصطفى حجاج وأحمد جمال، والراقصة الاستعراضية دينا.
من ناحية أخرى، تستعد رنا سماحة لإحياء حفل غنائي ضخم يوم الثلاثاء 7 سبتمبر المقبل وذلك على خشبة مسرح قاعة النهر بساقية عبد المنعم الصاوي بمنطقة الزمالك ومن المقرر أن ينطلق الحفل في تمام الساعة الثامنة مساء.
