منة عرفة ترد على متابع اتهمها بالكفر: أنا مسلمة وأفتخر (فيديو)
ردت الفنانة المصرية الشابة منة عرفة، على بعض الانتقادات التي وجهت لها، والتي وصلت إلى حد اتهامها بالكفر، وذلك من خلال مقطع فيديو نشرته على صفحتها الرسمية على موقع”الفيس بوك”.
منة عرفة كشفت أن متابعة علّقت لها بقوله تعالى: “وَاتَّقُوا يَوْمًا تُرْجَعُونَ فِيهِ إِلَى اللَّهِ”، فردت قائلة: “معرفش هي شايفاني كافرة ولا إيه؟ أنا رديت عليها وقولتلها أنتِ متعرفيش علاقتي بربنا عشان تكتبي كده، واللي أنا اتربيت عليه أن علاقتي بربنا شيء خاص ومش من حق أي حد أنه يتدخل فيها”.
وتابعت: “لما رديت عليها لقيت حد تاني داخل يقولي: هو أنتِ بتتكلمي في الدين ليه هو أنتِ أصلا تعرفي حاجة عن الدين ولا أصلا مسلمة ولا تعرفي حاجة عن دينك اسكتي اسكتي”.
وأكملت: “لأ أنا الحمد لله مسلمة، والحمد لله أعرف كتير عن ديني، ومش من حق أي حد أنه يقيم علاقتي بربنا، ودي حاجة تخصني، الحمد لله أنا مسلمة وأفتخر أني مسلمة، وموضوع ديني حاجة تخصني وحاجة بيني وبين ربنا”.
وأضافت: “ياريت محدش يتدخل في حاجة ملوش فيها، مينفعش حد يجي يقولي أنتِ أصلا مسلمة وأنتِ كافرة وأنتِ تعرفي إيه عن دينك وبتاع، أنا عمري ما هسمح بالكلام ده، ومن حقكم بس تنتقدوا شغلي لكن حياتي الخاصة محدش له دعوة بيها وحاجة بتاعتي”.
واختتمت كلامها، بقولها: “في ناس فاكرة أن الممثلين ناس ميعرفوش ربنا، لا على فكرة يا جماعة إحنا نعرف ربنا زيّكم كويس، وأنا أهلي ربوني على الصح والغلط، وأنا مسلمة والحمد لله”.
