عبير صبري تعلق على جدل تصريحها بالندم على ارتداء الحجاب: تريند رخيص
عبرت الفنانة المصرية عبير صبري عن غضبها الشديد من كتابة عدد من المواقع الصحفية جزء من تصريحاتها عن الحجاب، والتي جاءت في برومو برنامج لم يعرض بعد.
عبير صبري كتبت، على حسابها الخاص على موقع “انستجرام”: “صباح الخير أرجو من رواد السوشيال ميديا انهم ميصدقوش المواقع اللي تاخد كلام في برنامج متصور صوت وصوره ويلحقوا قبل اذاعه الحلقه ياخدوا نصف التصريح عشان يغيروا معناه لزياده مشاهداتهم وميهمهمش سمعه وكرامه الفنان اللي هيتعرض ليه الفنان طالما هيعملوا ترند”.
وأضافت غاضبة: “محروق الترند الرخيص علي اللي بيسعي ليه راي كان ومازال الحجاب فرض اؤمن به تماما واجابتي عن السؤال كانت في حلقتي اللي هتعرض يوم الجمعه والسبت في برنامج واحد من الناس مع دكتور عمرو الليثي هل ندمتي علي الحجاب قلت حرفيا ندمت اني لبسته قبل ما اكون مستعده مظبوط للخطوه دي وندمت اني قلعته واتمني ارجعله في وقت تاني”.
واختتمت كلامها، بقولها: “فلو سمحتم متحطونيش في خانه مش بتاعتي ولا انتمي ليها انا اؤمن بالحجاب واحترمه وامي واختي محجبات وانا بعرف انا بقول ايه كويس اما شتايم الناس فهي في رقبه كذب المواقع الباحثين عن ترندات قله القيمه وشكرا”.
